ASÍ FIXEMOS A POSTAL DE NADAL

PARA FELICITAR AS FESTAS ELABORAMOS UNHA POSTAL NA AULA.

FOI UN TRABALLO MOI INTENSO E QUEREMOS QUE VEXADES COMO FIXEMOS, PASO A PASO.

PRIMEIRO PASO, PRECISAMOS PINTURA VERDE, ROLOS, RECIPIENTE PARA PINTURA E MOLDES DE PAPEL PARA MAGDALENAS.

ANTES DE PINTAR, HAI QUE APLASTAR E ALISAR OS PAPEIS.

 COS ROLOS, PINTAMOS OS PAPEIS.

 ESPERAMOS A QUE SECARAN E DOBRAMOS Á METADE OS PAPEIS.

 SEGUNDO PASO,PRECISAMOS BASTONCIÑOS DE ALGODÓN E PINTURA VERMELLA.

CON MOITA PRECISIÓN, PINTAMOS PUNTIÑOS VERMELLOS SOBRE OS PAPEIS DOBRADOS.

 TERCEIRO PASO; PRECISAMOS CARTOLINA VERMELLA, ESTRELAS TROQUELADAS E PAPEL ONDULADO MARRÓN.

 COLOCAMOS TODOS OS ELEMENTOS FORMANDO UNHA ÁRBORE DE NADAL.

PEGAMOS POUCO A POUCO CADA UN DOS ELEMENTOS.

O TRONCO

A COPA

 E A ESTRELA.

CUARTO PASO, FIRMAR A POSTAL. COA AXUDA DA TARXETA, COPIARON O SEU NOME.

E XA ESTÁN PREPARADAS AS POSTAIS PARA SEREN ENVIADAS.

ESPERAMOS QUE CHEGUEN AO SEU DESTINO E QUE VOS GUSTEN!

BO NADAL CO APALPADOR

COÑECEDES AO APALPADOR?

DURANTE A SEMANA ANTERIOR AO NADAL, O APALAPADOR ACOMPÁÑANOS NA AULA.

É UN CARBOEIRO QUE VIVE NAS MONTAÑAS DO COUREL. VISITA AS CASAS E APALPA AS BARRIGAS DOS NENOS E NENAS. SE NON ESTÁN CHEAS, DÉIXALLES CASTAÑAS.

NÓS GOZAMOS MOITO COA HISTORIA E A CANCIÓN INCLUÍDA NO ÁLBUME "ESTACIÓN NADAL" DE MAMÁ CABRA.

BAILAMOS A CANCIÓN DEDICADA AO APALPADOR.

O ÚLTIMO DÍA DE ESCOLA RECIBIMOS UNHA SORPRESA, OS NENOS E NENAS CREN QUE FOI O APALPADOR, SERÍA EL?

E PARA DESEXARVOS BOAS FESTAS, FIXEMOS UNHAS FOTOS COA COMPAÑÍA DO APALPADOR.

BO NADAL FAMILIAS!

UN NADAL DE MEDO

COMO SABEDES, AS EMOCIÓNS SON O FÍO CONDUTOR DE DIFERENTES ACTIVIDADES QUE LEVAMOS A CABO NO COLE DURANTE ESTE CURSO.

LEMBRADES QUE NICA (MASCOTA DA BIBLIOTECA) NOS PEDIU QUE DECORÁSEMOS AS NOSAS PORTAS CON MONSTROS DE MEDO?

AS MESTRAS PEDÍRONNOS AXUDA PARA DECORAR O CORREDOR NESTAS DATAS ASÍ QUE NOS PUXEMOS MANS Á OBRA!

SAÍDA AO CINE

PRIMEIRA SAÍDA COS COMPAÑEIROS E COMPAÑEIRAS DA ESCOLA!

QUE NERVIOS!

FOMOS EN AUTOBÚS A UN CENTRO COMERCIAL PARA VER "PINGÜINOS DE MADAGASCAR".

PASÁMOLO MOI MOI BEN E PORTÁRONSE FENOMENAL.

PARABÉNS A TODOS E TODAS!

MARÍA CONTA

SEGUNDA VISITA: MARÍA, NAI DE MARTÍN VEU Á NOSA AULA PARA CONTAR UN CONTO.

CONTOU COA INESTIMABLE AXUDA DE ENRIQUETA...

MARÍA E ENRIQUETA CONTARON "A VACA QUE PUXO UN OVO" 

ANIVERSARIO DE NADIA

POR FIN!

XA TODOS E TODAS TEÑEN 3 ANOS!

ELMER

LEMBRADES O ÁLBUME DE ELMER QUE APORTOU DARIEN?

GRAZAS A EL ALGÚNS COMPAÑEIROS E COMPAÑEIRAS COÑECERON A ELMER E, OS QUE XA O COÑECÍAN, GOZARON MOITO COAS SÚAS HISTORIAS.

COMO NOS GUSTOU TANTO, DECIDIMOS FACER UN ELMER XIGANTE PARA DECORAR A NOSA AULA.

QUEREDES VER O PROCESO?

ESPERAMOS QUE VOS GUSTE!

ANIVERSARIO DE CARLA

CHEGAMOS AO ÚLTIMO MES DO ANO, CARLA ESTIVO DE ANIVERSARIO E QUIXO CELEBRALO CON TODOS E TODAS NÓS.

CARLA ESTABA MOI EMOCIONADA, TROUXO UN BISCOITO E SOPROU A CANDEA.

CASIMIRO O ELEFANTE

DESCUBRIMOS AS HISTORIAS DE BABAR, DUMBO, ELLIE, ELMER...

HAI MOITÍSIMAS HISTORIAS CON ELEFANTES.

QUEREDES COÑECER A NOVA CANCIÓN QUE CANTAMOS NA AULA?

O PROTAGONISTA É CASIMIRO, UN ELEFANTE QUE SEMPRE ESTÁ CONTENTO.

A CANCIÓN ESTÁ INCLUIDA EN "CARTAS QUE VEÑEN E VAN", DE MAMÁ CABRA E SUSA HERRERA.

PARA ESCOITAR O TEMA SÓ TEDES QUE FACER CLIC NA IMAXE.

HISTORIAS CON ELEFANTES

DOUS COMPAÑEIROS ACHEGARON Á AULA DOUS LIBROS MOI INTERESANTES QUE NOS GUSTARÍA COMPARTIR CON VÓS.

MATEO PRESTOUNOS "TRES CEGOS E UN ELEFANTE", BASEADO NUNHA LENDA HINDÚ.

MATERIAL SOBRE ELEFANTES

CONTINUAMOS RECIBINDO MATERIAL SOBRE OS ELEFANTES.

XA TEMOS UN MONTÓN DE FONTES DE INFORMACIÓN PARA IR APRENDENDO MOITAS COUSAS NOVAS SOBRE ESTES ANIMAIS.

MURAIS CON INFORMACIÓN E IMAXES

DÍA CONTRA A VIOLENCIA DE XÉNERO

HOXE CAMBIAMOS A COR VERDE PISTACHO POLA COR VIOLETA.

CONMEMORAMOS O DÍA CONTRA A VIOLENCIA DE XÉNERO.

FALAMOS DO RESPECTO, DA IGUALDADE E DE COMO EVITAR CONFLITOS, SEMPRE TENDO EN CONTA QUE TEMOS 3 ANOS E NON É SINXELO ENTENDER DETERMINADAS SITUACIÓNS.

BIBLIOSIGÜEIRO-FORMACIÓN DE USUARIOS E USUARIAS

O "EQUIPO DE NICA" (EQUIPO DE BIBLIOTECA) ORGANIZOU UNHAS SESIÓNS DE FORMACIÓN PARA TODO O ALUMNADO DO CENTRO. POR SUPOSTO, NÓS TAMÉN ASISTIMOS.

AS MESTRAS ANA E MARÍA FORON AS ENCARGADAS DE EXPLICAR O FUNCIONAMENTO DA BIBLIOTECA DO COLE.

RECIBÍRONNOS E EXPLICARON CON MOITA PACIENCIA COMO FUNCIONA A BIBLIOTECA.

#MOVEMBER

NA AULA UNÍMONOS AO MOVEMENTO "MOVEMBER", POÑENDO UN BIGOTE.

PODEDES ATOPAR INFORMACIÓN AQUÍ E AQUÍ.

O ROSTRO DA GUERRA (III)

ADEMAIS DE FACER A NOSA PROPIA INTERPRETACIÓN DE "O ROSTRO DA GUERRA" E DE PINTAR CRANIOS, CONTINUAMOS OBSERVANDO COMO DALÍ PINTOU UNS CRANIOS DENTRO DOS OUTROS.

CON GOMINOLAS CON FORMA DE CRANIO INTENTAMOS REPRODUCIR A OBRA.

QUE QUEREMOS FACER NA ESCOLA?

NON É SINXELO RESPONDER A ESTA PREGUNTA AOS 3 ANOS (ALGUNHAS AOS 2 ANOS).
NA ASEMBLEA FORON PROPOÑENDO TEMAS, QUE FOMOS ANOTANDO NO ENCERADO.

 PRIMEIRO FORMULAMOS A PREGUNTA, E AS RESPOSTAS FORON:

• CORES
• LETRAS
• LEÓNS
• ELEFANTES
• TOUROS

PARA DECIDIR CAL DOS TEMAS IAMOS TRABALLAR, VOTARON CAL LLES GUSTABA MÁIS.

O ROSTRO DA GUERRA (II)

OBSERVANDO A OBRA DE EUGENIO SALVADOR DALÍ, PUIDEMOS VER QUE DENTRO DO CRANIO HAI MÁIS CRANIOS, UNS DENTRO DOS OUTROS.

ASÍ QUE NÓS PINTAMOS CINCO CRANIOS GRANDES, UN EN CADA MESA.

PARA FACER ESTE TRABALLO LEVABAMOS UN BIGODE COMO O DE DALÍ.

O ROSTRO DA GUERRA (I)

SEGUIMOS TRABALLANDO ARREDOR DO MEDO E DA OBRA "O ROSTRO DA GUERRA"

DESDE O EQUIPO DE BIBLIOTECA PROPUXÉRONNOS FACER A NOSA PROPIA VERSIÓN DO CADRO DE DALÍ.

O PRIMEIRO FOI OBSERVAR ATENTAMENTE A OBRA E ESCOLLER CORES QUE REALMENTE NOS DERAN MEDO...